إزاى محركات البحث بتشتغل

وإيه أهم العوامل اللى بيترتب عليها تصنيف المواقع الإلكترونية في المراكز الأولى في نتايج البحث ؟

كمبتدئ في الـ SEO إيه الأساسيات اللي لازم تعرفها عن محركات البحث؟ وإيه أهم العوامل التي تؤثر على تصنيف الويب سايت فى أول 5 نتايج في البحث؟

ما سألتش نفسك قبل كده انت بتستخدم Google  “أو أي search engine  تانى”  كام مرة في اليوم عشان تدورعلى حاجة فى الأنترنت؟

5 مرات ؟ 10 مرات ؟ أو أحيانا اكتر من كده؟ تعرف أن Google لوحدها بتتعامل مع أكتر من 2 تريليون search  سنويا ؟ الأرقام فعلا ضخمة! 

محركات البحت بقت جزأ أساسي من حياتنا اليومية  بنستخدمهم كأداة بنتعلم منها أي حاجة عايزين نعرفها أو كأداة للتسوق أو لمجرد التسلية وأننا نقضى وقت فراغنا وكمان بنستخدمها عشان البيزنس.إزاى محركات البحث بتشتغل

من غيرمبالغة إحنا وصلنا لمرحلة إننا بقينا نعتمد على محركات البحث تقريبا فى كل حاجة في حياتنا..والسبب بسيط جداً إننا عارفين إن محركات البحث وبالذات Google عندها إجابات على كل الأسئلة اللي بنسألها أو أي أستفسارات.إزاى محركات البحث بتشتغل

إيه اللي بيحصل لما بتكتب أي سؤال أو استفسار معين وتدوس search ؟ محركات البحث بتقوم بدورها أزاى فى انها تقرر إيه اللي هتعرضه فى نتايج البحث وبأي ترتيب؟

لو انت developer, designer, صاحب بيزنس صغير, محترف  تسويق صاحب website أو بتفكر تعمل بلوج شخصي أو ويب سايت للبيزنس بتاعك فا انت محتاج الأول تعرف ازاى محركات البحث بتشتغل.

انك تكون فاهم ازاى بتشتغل محركات البحث ده هيساعدك تعرف ازاى تعمل ويب سايت محركات البحث تقدر تفهمه.. ودي أول خطوة محتاج تاخدها قبل حتى ماتتعامل مع ال SEO أو التسويق عن طريق محركات البحث عموما.

محركات البحث هي برامج كمبيوتر معقدة قبل حتى ماتسمحلك انك تكتب السؤال أو الاستفسار بتاعك وتدور على حاجة على الانترنت بيكون لازم تعمل تحضيرات كتير عشان لما تدوس search تقدملك مجموعة من النتايج الدقيقة وبجودة عالية تكون بتجاوب على سؤالك أو استفسارك.

والتحضيرات دى عبارة عن مرحلتين :إزاى محركات البحث بتشتغل

– المرحلة الأولى هي اكتشاف المعلومات.

– المرحلة التانية هي تنظيم المعلومات عشان تستخدمهم بعد كده فى نتايج البحث.

وده معروف بشكل عام باسم (Crawling and indexing) أو الزحف والفهرسة.

– أول مرحلة ال Crawling أو الزحف:

محركات البحث فيها عدد من برامج الكمبيوتر اسمها برامج زحف الويب(web crawling) وهى المسئولة انها تلاقى كل المعلومات المتاحة على الانترنت فهي بتفحص الانترنت وبتدور على ال servers  اللي بتستضيف ال websites وبعد كده بتعمل قايمة فيها كل ال servers وال websites وتبدأ شغلها.

بتدخل على كل ويب سايت ومن خلال استخدام تقنيات مختلفة بتحاول تعرف عدد صفحات الويب سايت والمحتوى اللى فيه سواء كان نص مكتوب أو صور أو فيديوهات أو أي شكل تانى. وغير كده هي كمان بتدخل على أي لينكات (links) جوه الويب سايت سواء كانت ال links دى بتشير لصفحات جوه الويب سايت نفسه أو لمواقع تانية.. وبكده هى بتكتشف صفحات أكتر واكتر.

برامح الcrawling بتعمل ده باستمرار ومش بس كده هي كمان بتقوم بمتابعة أي تغييرات ممكن تحصل فى اى ويب سايت لو فيه صفحات جديدة اتضافت عليه أو اتشالت منه أو أي لينكات جوه السايت اتعملها update.

لو أخدنا فى الاعتبار إن فيه أكتر من 130 تريليون صفحة (فردية) على الانترنت النهارده وفى المتوسط يوميا بيتنشر آلاف الصفحات الجديدة فانت متخيل حجم العمل اللي بتقوم بيه البرامج دى!

ليه كل الكلام ده عن برامح الcrawling مهم انك تعرفه؟

 أول حاجة انت بتهتم بيها عشان تحسن من موقع الويب سايت على محركات البحث هو انك تتأكد إن برامج الcrawling قدرت توصل للسايت بتاعك بشكل صحيح ومن ناحية تانية لو معرفوش يقروا الويب سايت بتاعك    

 فا ماتتوقعش انه هيكون فى rank عالي أو إن ال traffic هيزيد.

وزى ما شرحنا فوق ازاى بتشتغل برامج الcrawling وقد إيه شغلهم ضخم فانت دورك انك تسهل عليهم الشغل ده.. فى كذا حاجة انت بتعملها عشان تتأكد انهم هيقدروا يكتشفوا الويب سايت بتاعك ويدخلوا عليه بأسرع طريقة ممكنة من غير أي مشاكل ممكن تواجههم:

1- استخدم Robots.txt عشان تحدد إيه الصفحات اللى فى الويب سايت بتاعك مش عايز إن برامج الcrawling يوصلوا ليها زى الصفحات اللي بيبقى فيها ال admin أو ال backend pages.

2- ال search engines الكبيرة زى Google و Bing بيبقى فيهم أدوات تقدر تستخدمهم عشان توصل لبرامج ال crawling معلومات أكتر عن الويب سايت زى عدد الصفحات اللي فيه وال structure أو الهيكل بتاعه وبكده هما مش مضطرين يدوروا على المعلومات دى بنفسهم.

3- استخدم xml sltemap عشان تعمل قايمة فيها كل الصفحات المهمة اللي فى السايت فا كده برامج ال crawling هتقدر تعرف إيه الصفحات اللي هتركز عيها وتراقبها وإيه اللي هتتجاهلها.

_تانى مرحلة ال  Indexing أو الفهرسة:إزاى محركات البحث بتشتغل

لما بتتحدد المعلومات عن طريق ال crawlingبتبقى محتاجة تتخزن بطريقة منظمة ومرتبة عشان الsearch engine algorithms (خوارزميات محرك البحث) تقوم بمعالجتها ..كل ده بيحصل قبل ماتكون متاحة لل user وده اسمه indexing.

محركات البحث مش بتخزن كل المعلومات اللى بتلاقيها على أي صفحة فى الفهرس (index) هى بس بتحتفظ بحاجات زى امتى تم إنشاءها أو اتعملها ابديت, عنوان الصفحة والوصف بتاعها, نوع المحتوى وال keywords المرتبطة بيها و ال links ومعايير تانية كتير بتحتاجها ال search engine algorithms.

ليه مهم نعرف عن الـ indexing؟

بكل بساطة  لو الويب سايت بتاعك مش موجود فى ال index بتاعهم فا هو مش هيظهر فى أي search احنا بنعمله.

وده معناه ان كل مايكون ليك صفحات كتير على ال search engines indexes كل مابتزيد فرصتك إن السايت بتاعك يظهر فى نتايج البحث لما يكون شخص بيسأل عن حاجة مرتبطة بالمحتوى بتاعك.

ولاحظ اننا بنقول هيظهر فى نتايج البحث وده معناه انه هيكون عموما موجود فى نتايج البحث بس مش بالضرورة يكون فى المراكز الأولى أو فى الصفحات الاولى!

وعشان تظهر فى أول 5 مراتب فى ال  SERPS( search engine results  pages) لازم تحسن من الويب سايت بتاعك لمحرك البحث باستخدام عملية اسمها Search engine optimization أو باختصار SEO.

تالت وأهم خطوة فى العملية اللي بتقوم بيها محركات البحث عشان تقرر إيه الصفحات اللي هتعرضها فى الـSERPS وبأي ترتيب لما أي شخص يكتب أي استفسار وده بيحصل عن طريق Search engine ranking algorithms أو (خوارزميات تصنيف محرك البحث).

ازاى بتشتغل ال Search engine ranking algorithms :إزاى محركات البحث بتشتغل

– الخطوة الأولى (تحليل استفسار المستخدم):

أول خطوة بتقوم بيها محركات البحث إنها تفهم إيه نوع المعلومات اللي ال  user بيدور عليها وبعد كده بيقوموا بتحليل الاستفسار ده عن طريق تقسيمه لعدد من  ال keywords.

– الخطوة التانية(إيجاد الصفحات المرتبطة باستفسار ال user) :

وفى الخطوة دى محركات البحث بتدور فى الفهرس(index) وتقرر إيه الصفحات اللي بتقدم أفضل إجابة لاستفسار ال user وترتيبها هيكون ازاى ودى خطوة مهمة جدا لمحركات البحث وأصحاب ال websites.

محركات البحث بتهتم إنها تعرض أفضل النتايج وبأسرع طريقة ممكنة عشان تحافظ على ال users وفى نفس الوقت أصحاب المواقع الإلكترونية بيبقوا عايزين الناس يختاروا السايت بتاعهم ويزودوا ال traffic.

Google’s ranking algorithms(خوارزميات تصنيف جوجل) بتاخد فى الاعتبار أكتر من 255 قاعدة قبل ما تاخد قرار وهنا ضرورى نستخدم الأساليب والتقنيات الجيدة لل SEO(تحسين محركات البحث) ودى أهم العوامل اللى بتؤثر على قرار ال Search engine ranking algorithms :

1- العنوان ومطابقة محتوى الصفحة لاستفسار ال user :

وهنا مهم جدا تعرف إن Google’s search algorithms (خوارزميات بحث جوجل) بتعتمد بشكل اساسى على ال Keywords وهى الكلمات والجمل اللي بيستخدمها الناس وهما بيدوروا على معلومات معينة وفى نفس الوقت هى الكلمات والجمل اللي بتوصف العنوان والموضوعات اللي موجودة على السايت بتاعك عشان كده مهم جدا تعرف إزاى تستخدم ال keywords فى المحتوى بتاعك.

انت محتاج تعرف ازاى بيدوروا على المنتجات أو الخدمات أو المعلومات بتاعتك عشان تقدر تساعدهم إنهم يوصلوا ليك وللسايت بتاعك .. انك تعرف تنفذ ده  وتختار ال keywords المناسبة هيساعد السايت بتاعك يبقى فى rank أعلى من المنافسين.

وإنك تعمل قايمة بال keywords وتطورها دى أول وأهم خطوات لتحسين محركات البحث(SEO) بس قبل ما تختار ال Keywords المناسبة أسأل نفسك هي مرتبطة بمحتوى الويب سايت بتاعك ؟ ال users اللي بيكتبوا ال keywords دى فى ال search هيلاقوا اللي بيدوروا عليه في السايت بتاعك؟ إيه كان هدفهم وهما بيعملوا search على ال keywords دى ؟هل هيساعدوك ان ال traffic يزيد وتحقق أهدافك ؟

وبعد ما تختار ال keywords  المناسبة فا لازم تكون موجودة فى كل دول أو معظمهم :

– عنوان الصفحة

– URL

– Meta tags

– Header tags

– Images file path

2- جودة المحتوى وطوله :

طبعا جوجل بيهتم جدا بجودة المحتوى لكن بالنسبة لطول المحتوى هل جوجل حدد طول محدد للمحتوى عشان يكون فى ال  index؟ لأ هو محددش بس فيه مصادر كتير أكدت ان الصفحات اللى ال rank بتاعها عالى بيكون المحتوى فيها أطول .

معدل طول المحتوى فى المواقع اللى بتكون فى ال 10 مراتب الأولى فى نتايج البحث على جوجل على الأقل 2000 كلمة.

3- تجربة ال user (rankbrain) :

جوجل بقى بيستخدم الذكاء الاصطناعى لترتيب المواقع على صفحات نتايج محرك البحث بشكل أفضل وبيسميه (rankbrain)وده بيتضمن :

– النسبة المئوية للناس اللى بتدوس click وتدخل على موقع معين لما بيظهرلها فى نتايج البحث وده اسمه ال CTR(Clickthrough rate).

– لما بيدخلوا على الموقع بياخدوا وقت قد ايه قبل ما يخرجوا منه.

– عدد الناس اللى بيخرجوا من الموقع بعد وقت قليل جدا وده معناه انهم ملاقوش فيه اللى عايزينه.

فا ببساطة لو الناس دخلوا الموقع بتاعك وخرجوا منه على طول جوجل هيقرر ان الموقع ده مش مناسب لاحتياجات الناس ولو ده حصل من ناس كتير فا هيكون من الصعب ان الموقع بتاعك يبقى فى rank  عالى فى نتايج البحث والعكس صحيح.

وعشان تخلى الناس يفضلوا جوه الموقع بتاعك لأطول فترة ممكنة فانت محتاج تحسن من العناوين والمحتوى وتختارهم بعناية ويكونوا على جودة عاليه تجذب اهتمام الناس وترضى احتياجاتهم.

4- جودة الويب سايت وسرعته :

جوجل مش هيعرض على نتايج البحث اى ويب سايت جودته رديئة وسرعة الويب سايت برضو تعتبر من أهم العوامل فى ال SEO ranking .. طبعا المواقع اللي تحميلها أسرع هتكون أفضل من اللي تحميلها بطئ وهيكون ليها الأولوية إنها تظهر على محرك البحث.

5- نوع الجهاز :

لازم تاخد فى الاعتبار نوع الجهاز اللي بيستخدمه ال user فا ال users اللي بيستخدموا الموبايل ضرورى مثلا تقدملهم صفحات تناسب استخدامهم ويقدروا يتحكموا في تكبيرها أو تصغيرها والخط يكون كبير عشان يقدروا يقروا الكلام على شاشة الموبايل الصغيرة وتحاول تتجنب أنواع المحتوى اللي ممكن ماتشتغلش على أجهزة معينة.

جوجل ركز في تحديث لخوارزميات تحسين محرك البحث Search engine algorithm update  على سرعة تحميل الصفحات على الموبايل وان العامل ده هيكون ليه تأثيراته على المواقع ابتداء من يوليو 2018.

6- شعبية الصفحة أو الويب سايت:

وده مش معناه بس كمية ال  trafficاللي على السايت ولكن عدد المواقع اللي بتحط لينكات للصفحة بتاعتك.

الصفحات اللي بيكون ليها (backlinks) كتير من مواقع تانية بتكون أكتر انتشار وشعبية وبالتالي بتكون ليها فرص أكتر إن الخوارزميات تختارها على محرك البحث وده معروف باسم (off-page SEO).

فمثلا : كل ما بتزيد المواقع اللي بيكون فيها لينك لصفحة “discovery’s Planet Earth” كل ما الصفحة دى ال rank  بتاعها بيعلى وبتبدأ تظهر في أول نتايج البحث.

ممكن تزود من ال  backlinksاللي تعتبر عامل مهم جدا عشان يكون السايت فى rank  عالى من خلال :

– انك تشير case studies تكون فيها معلومات مهمة عن ازاى قدروا يوصلوا للي عايزينه ويحققوا أهدافهم وده بيساعد غيرهم.

– تعمل شير ل infographics(رسوم بيانية توضيحية) دى بتكون مهمة جدا عشان تجذب الناس باستمرار انهم يشوفوا المعلومات دى عن موضوع معين وبتكون ممتعة ومفيدة والناس بتحب تشيرها فى الblogs  بتاعتهم وعلى السوشيال ميديا.

– يكون السايت فيه أنواع محتوى متنوعة بتركز على ال influencers من خلال podcasts أو فيديو.

– يكون السايت فيه أدوات ومحتوى مجاني مهم ومفيد للناس زى ال eBooks(الكتب الالكترونية)

7- ال target location (المكان المستهدف) أو موقع الناس اللي بتستهدفهم فى السايت بتاعك:

الناس بتدور على النتايج اللى تكون فى نطاق مكانهم فلما مثلا يكتبوا في السيرش المطاعم الايطالية في القاهرة فا هيظهر لهم نتايج متعلقة بالقاهرة.

 وهنا مهم توسع من نطاق قايمة ال keywords اللى هتستخدمها فى السايت وتخليها بتتضمن مكان البيزنس بتاعك عشان تقدر تكون فى أول نتايج البحث اللى متعلقة بالمكان ده.

بعد ماعرفت أهم العوامل اللى بتؤثر على قرار الsearch engine ranking algorithms فانت عرفت الخطوات الأساسية اللى هتمشى عليها عشان تحسن من الويب سايت وتزود ال traffic من خلال محركات البحث ويكون السايت بتاعك في التصنيفات الأولى في أول صفحة النتايج.

إحصائيا أثبتوا ان أغلبية الناس بتدخل على أول 5 نتايج بتظهرلهم فى أول صفحة(وده بالنسبة للي بيستخدموا الموبايل وال desktop).

انك تظهر فى تانى أو تالت صفحة ده مش هيجيبلك أى traffic إطلاقاً! بس مع فهمك لمحركات البحث وال search engine ranking algorithms وازاى بتشتغل ده هيساعدك تطور من الويب سايت وتخلى محركات البحث تختاره لما المستخدم يكتب عن استفسار متعلق بمحتوى السايت.. وهو ده ال SEO!

لو عاوز تعرف اكتر بشكل علمي وعملي عن الـSEO   متتردتش انك تضنم لــ SEO Workshop